BUTUAN CITY – Aduna’y gipagawas nga bag-ong guidelines ang Department of Education kon DepEd-Caraga mahitungod sa mga eskwelahan nga gustong magpatuman ug summer classes ning tuiga.
Sa pakighinabi ning sibyahan, gibutyag ni Peter Tecson, regional information officer sa DepEd – Caraga, nga ang nasangpit nga guidelines kinahanglang tumanon gyud sa mga eskwelahan adiser sila makahimo sa ilang mga summer classes.
Subay matud pa sa unod sa Memorandum Order # 016 series of 2018, nakalatid nga ang summer classes itagana alang lamang sa mga estudyante nga aduna pa’y kulang sa ilang mga requirements sa eskwelahan adiser makapadayon sa sunod nga level o kadtong magkinahanglan ug remedial classes.
Usa sa mga requirement aron makapahigayon niini mao nga kinahanglan nga adunay PTA resolution ang eskwelahan alang sa pagpahigayon ug summer class.
Gikinahanglan usab nga I-submiter ang listahan sa mga subject nga ilang I-offer sa ilang summer class, lakip na listahan sa mga bata nga mu-enroll, ingon man listahan usab sa mga magtutudlo.
Subay niini, gipahibalo sa maong opisyal nga nagsugod na ang pagpangdawat sa aplikasyon alang niadtong mga eskwelahan nga buot magpahigayon ug summer classes ug ang deadline karong Marso 23 ning tuiga. (Mon Aplaya)
