BUTUAN CITY – Gitoohang tungod sa kalisud sa mga subjects sa senior high, nagtubok-patay ang babayeng minor-de-edad kaganinang sayu sa buntag sa may Purok-6, Barangay Anahawan, Sibagat, Agusan Del Sur.
Sigon ni Police Staff Seargent Ion Rey Bagtong sa Sibagat Municipal Police Station, mga alas 5:45 sa buntag sa dihang pukawon na unta sa lola si alyas mae aron mamahaw og ma-eskwela, apan nakit-an nalang kini nga nagbitay na sulod sa iyang lawak.
Daling gitanggal sa mga apohan ang pisi nga gihikot diha sa li-og sa biktima ug gisulayang e-revive apan wala na kini maluwas pa.
Nasayrang Grade 11 student ang biktima sa may Sibagat National Highschool diin wala nay nailang amahan og gibilin lang sa iyang mga apohan samtang nagtrabaho ang inahan.
Sa pagpakisusi sa ni Police Staff Seargent Bagtong, nasuta niini human sa pakighinabi sa mga classmates sa biktima, nga ginareklamo na ni alyas mae ang kalisud sa mga subjects particular na ang English Subject base na usab sa pagbutyag sa lola.
Kumbinsido usab ang pamilya sa biktima nga walay foul play nga nahitabo sa ilang kabanay
