Babayeng meat vendor, gipusil-patay sa riding-in-tandem suspects sa Agusan del Sur

BUTUAN CITY – Padayon pang gi-imbestigahan sa kapulisan sa Rosario, Agusan del Sur ang pagpamusil-patay sa riding-in-tandem suspects ngadto sa usa ka babayeng negosyante nga gikawatan pa nila og kwarta.
Kini aron ma-ila ang mga responsable og masayran ang motibo sa kremin ilabina nga wala matud pa magdekalra og holdup ang mga suspek ngadto sa pauli na untang si Honey Plaza, 48-anyos, minyo og residente sa Brgy. Poblacion, sa maong lungsod.
Sigon ni P/Sr. Insp. Andrenei Camo – hepe sa Rosario Municipal Police Station, gikan pa naninda og karne ang biktima og pa-uli na unta sakay sa sikad dihang gibabagan kini sa mga suspek kondiin gipanaog ang duha ka pasaherong sakay niini, nga mga anak sa driver.
Dinhi na dayon gipusil sa makatulo ka higayon si Plaza diha sa iyang tiyan og dughan nga miresulta sa iyang hinanaling kamatayon.
Narekober sa crime scene ang tulo ka mga fired cartridges cases og usa ka bala sa pistola.
Apil sa gitutukan nilang anggulo sa kremin ang posibleng business-related nga motibo. (Beth Ruiz)