BUTUAN CITY – Padayon pa ang imbestigasyon sa kapulisan sa Cabadbaran City sa lalawigan sa Agusan del Norte human nga usa ka babayeng engineer na usab ang pinaka-ulahing biktima sa sunod-sunod nga pagpamusil-patay sa riding-in-tandem suspects pasado alas-6:40 kagabii.
Gi-ila ni PO2 Yllana ang biktima nga si Irene Nakila, 39-anyos, minyo og residente sa Brgy. Baan ning siyudad sa Butuan.
Nasayrang mi-adto sa Purok 9, Brgy. Tolosa sa maong siyudad ang biktima ka-uban ang iyang inahan og anak nga babae kay nagpahilot og pasakay na unta sila sa ilang sakyanan aron mupa-uli dihang mi-abot ang nakamotorsiklong duha ka mga lalaki dayong pusil sa iyang ulo hinungdan sa hinanali niyang kamatayon.
Narekober sa crime scene ang slug sa kalibre 45 nga pistola.
Mahinumdumang ang duha ka pagpamusil sa maong siyudad nga mikalas sa tag-tulo ka mga lalaki og hangtud karon, wala pa naresolba ang maong mga kaso. (Beth Ruiz)
