BUTUAN CITY – Mas gipili sa usa ka mag-uuma nga magpatabang sa kapulisan ang gihimong paglu-ib sa iyang ka-ipon ngadto kaniya human niya nasapong nakighilawas sa iyang pag-umangkon.
Sigon sa reklamanteng si Joel Deligero, 34-anyos, ulitawo og residente sa Purok 6, Sitio Matin-ao, Brgy. Bonbon ning siyudad sa Butuan, iyang nasapon ang iyang ka-ipong gitago lang sa pangalang Dina, 34-anyos og iyang pag-umangkong si Melvin Deligero, 21-anyos nga naghilawas sulod mismo sa ilang pinuy-anan pasado alas-dos sa kaadlawon.
Nasayrang parehong hubog ang duruha kinsa gidakop sa mga pulis og gidala sa Butuan City Police Station 3.
Nagdesisyon ang reklamanteng dili na mupasaka og reklamo human misaad ang duha nga dili na nila usbon ang ilang gihimo. (Beth Ruiz)
