BUTUAN CITY – Gitutukan na sa Australian Federal Police ang pagpangluba sa obispo sa Assyrian Christ The Good Shepherd Church nga si Bishop Mar Mari Emmanuel human kini gideklarang terrorist act.
Sa eksklusibong pakighinabi sa Bombo Radyo Butuan, gipadayag ni Bombo international correspondent to Australia Denmark Suede, nga sa pagkakaron, wala matud pa’y gipagawas nga advisory ang gobyerno aron dili mag-panic ang mga tawo apan nakatutok na sa maong panghitabo ang ilang federal police.
Mitabang na usab sa imbestigasyon ang Australian Security Intelligence Organization kansa mao ang Australian version sa Federal Bureau of Investigation sa Estados Unidos.
Espesyal matud pa ang trabaho sa ilang federal police kumpara sa New South Wales Police nga maoy nakatutok sa mga ordinaryong kagubot.
