BUTUAN CITY – Makonsiderang katapusang pagbansay na kagahapong adlawa sa mga athleta sa Caraga nga misalmot sa Palarong Pambansa 2017 sa probinsiya sa Antique.
Sigon ni Elizalde Bernales, Regional Information Officer sa Department of Education kon DepEd-Caraga, nahimong hapsay ug maayo ang training sa mga athleta diin duna pay nahitabong mga tune-up games.
Apan makonsiderang kagahapong lang kutob ang pagbansay tungod kay karung adlawa, mangandam man ang mga athleta sa Saludo March.
Sumala pa ni Bernales nga sa 3 ka minutong gitagana para sa Saludo, plano nila kining apilan sa pagkanta sa Caraga hymn ug cheer and yell samtang nag-marcha.
Samtang ugmang adlawa, ipa- relax ang mga athleta alang sa parada nga pagahimoon sa pag-abli sa Palarong Pambansa 2017 nga pagasundan gelayon sa mga dula.
