Artificial coral reefs, gimontar sa Surigao City

BUTUAN CITY – Gila-umang managhan na og balik ang mga isda sa Surigao City human ang pormal nga paglusad sa proyektong Artificial Coral Reefs sa pagpanguna mismo ni city agriculturist Isaias Ilumba.

Tumong niini nga i-rehabilitate ang kadagatan sa dakbayan sa Surigao aron managhan ang mga isda ilabina sa Brgy. Sugbay ug Brgy. Manjagao og dili na layo ang mga isda sa ilang dapit.

Ang mga Artificial Coral Reffs nga gama sa kongkreto gituyo aron anha mopahulay ug mupasilong ang mga isda ug maoy usa’y ilang mamahimong breeding site.

Ang nasangpit nga kalihokan gitambongan sa mga opisyales sa sektor sa agrikultura, apil na usab ni Kagawad Estong Matugas nga maoy chairperson sa committee on Agriculture. (Rolan Janea)