BUTUAN CITY – Gi-andam na ang kasong pagsupak sa Sections 5, 11 ug 12, Article II sa RA 9165 ug RA 10591 kon Illegal possession of firearms and ammunition batuk sa suspetsadong nasikop sa buy-bust operation kagahapon sa alas 7:00 sa buntag sa may P-7 Brgy. Limaha, Butuan City.
Naila ang suspek nga si Roy Caballes Cuenca, alyas Titoy, Poge ug Blacky, 29-anyos, oitawo ug residente sa maong dapit nga gikonsiderang newly-identified drug personality.
Ang maong operasyon gilusad sa hiniusang puwersa sa Butuan City Police Station-2, Buenavista Municipal Police Station ug Philippine Drug Enforcement Agency kon PDEA-Caraga.
Nakuha sa posisyon sa suspek ang 2 ka sachet sa gidudahang shabu nga mitimbang ug 3 ka gramo ug market value nga 35-mil 400 pesos apil na ang .45 nga kalibre sa pistola uban sa usa ka magasine nga dunay 5 ka mga buhing bala.
Nakumpiska usab ang marked money nga 4-mil pesos ug cellphone. Sa pagsuhid sa lugar nga gi-kordon, narekober ang daghang mga illegal drug paraphernalias.
Sa karun anaa na sa kustudiya sa Butuan City Police Station-2 ang suspek alang sa tukmang disposasyon.
