-- ADVERTISEMENT --
BUTUAN CITY – Gitawag ni Kabataan party list Rep. Renee Co nga dakong distraction lang sa atensyon ang timing sa anunsyo ni Vice President Sara Duterte nga mudagan siya pagka-pangulo sa 2028 aron matud pa matabunan ang mga seryosong alegasyon ug ang mga bag-ong impeachment complaints nga gi-atubang niini.
Gipamugos sa magbabalaud nga dili politika ang dapat niining hisgutan kundili ang tulubagon sa pondo sa nasud.
Nagtuo ang magbabalaud nga dili kini ang angayang tubag sa bise sa mga pangutana kung asa napadulong ang gikurakot matud pang kwarta sa katawhan.
Sa kasamtangan, pabiling nag-ung-ong ang tulo ka mga reklamo batuk kang Duterte ug wala pa nabutang sa Order of Business sa Kamara aron pormal nga mapadala sa House Justice Committee.
