(photo credit: Radyo ng Bayan)
BUTUAN CITY – Nalubong na sa tag-iya sa usa ka beach resort sa Brgy. Caloc-an, lungsod sa Magallanes, Agusan del Norte ang napadpad nga samarong spinner dolphin ning mi-aging hapon.
Gikumpirma kini ni Dr. Juan Albaladejo – regional director sa Bureau of Fisheries and Aquatic Resources kon BFAR-Caraga sa eksklusibong pakighinabi sa Bombo Radyo.
Gibutyag niining ubay-ubay ang samad sa lawas sa nasangpit nga sea mammal dihang kini napadpad sa baybayon kansa posibleng agi matud pa sa nasangitan niining mga fishing nets diha sa dagat.
Posible matud pang pila ka adlaw nang nasangit sa fish net nga anaa sa Butuan Bay ang maong dolphin nga gitu-uhang gibuhian lang sa mga mananagat dihang nakita hinungdan nga wala matambali ang mga samad niini.
Dili matud pa imposible ang pagsulod sa mga dagkong isda sama sa dolphins sa Butuan Bay tungod kay sikat kini nga lugar nga tapukanan sa mga isdang tamban kansa mao usa’y paboritong sundan sa dagkong isda.
Gani gawas sa lima ka klase sa mga dolphins, duna usa’y mangagi nga butanding og dwarfs sperm whales sa maong kadagatan kansa wala pa ma-exploit. (Beth Ruiz)
