BUTUAN CITY – Gisaysay sa pinaka-unang SUMA CUM Laude sa Caraga State University kon CSU nga si Abzonie Reño nga taga Barangay Villa Kanga ning siyudad sa Butuan ang iyang kapobrehan nga maoy naghatag ug inspirasyon sa pagpaningkamot sa kinabuhi.
Sigon pa ni Reño, niadto pa siyang 2008 migradwar sa sa sekondarya apan gipili niyang manimpad sa kauluhang Manila aron magtrabaho aron makatabang sa inahan nga usa ka labandera ug bulag sa bana.
Kini ilabina kay siya ang kinamagulangan sa 3 ka magsoon. Sulod sa 7 ka tuig sa Manila, nagtrabaho kini isip factory worker, janitor, security guard, house boy, baker, ug service crew. Mibalik siya ning siyudad sa kahadlok nga masakop pa sa Kto12 Program sa DepEd.
Malampuson usab kining nakakuha ug scholarship sa CSU human nalakip sa mga highest scorer sa entrance examination.
Gipahayag ni Reño nga wala siya maghandum sa suma cum laude apan tungod sa iyang paningkamot, nakuha niini ang average rating nga 1.1675 sa kursong Bachelor of Science In Secondary Education kon BSED major in Mathematics.
Gi-angkon usab niini nga mibati siya ug pressure sa umaabot nga board exam apan gipaningkamutan niya kining dili maka-apektu kaniya og ang mahinungdanon nga mopasar siya.
Kini adiser usab siya mututuk sa iyang karera isip maestro.
Plano usab niyang mo-abroad apan nanghinaot kining mausab ang iyang huna-huna ilabina kay maayong magserbisyu sa kaugalingong nasud.
Alayon niini, gipasalamatan ni REÑO ang tanang tawo nga mihatag ug suporta kaniya ilabina sa iyang inahan.
