BUTUAN CITY – Personal nga midalikyat sa Bombo Radyo Butuan ang usa ka anak aron manawagan sa pagsurender sa iyang amahan nga nakapatay sa iya ra usab nga anak.
Pamugos pa ni Aljun Morales, menyu, ug residente sa Purok-1, Poblacion, lungsod sa Santiago, Agusan Del Norte, kinahanglang bayaran sa iyang amahan nga si Alejandro Morales, 48-anyos og kanhe priso tungod sa kasong murder, ang iyang nahimong pagpatay sa iyang manghod nga si Richard, 23-anyos olitawo ug usa ka minero.
Sumala pa ni Aljun, niadtong Disyembre 3 nahitabo ang kreming pagtigbas-patay sa amahan ngadto sa iyang anak.
Saysay pa niini, nga daw planado ang gihimung kemin tungod kay dili lango sa ilimnong makahubog ang suspetsado ug nag-agbay pa ang duruha nga mipauli sa panimalay.
Walay natigayon usab nga panaglalis adiser gihimu ang pagpanigbas sa atubangan pa sa iyang anak nga 5-anyos. Human sa hitabo, daling misibat ang suspetsado sa bukirang parte sa maong lugar.
Gibutyag usab ni Aljun nga miyembro sa grupong red-cobra ang iyang amahan ug posibling ang sundang nga gigamit sa kremin, isyu kini sa maong grupo. Maglisud matud pa sila sa pagdawat sa nahitabo sa ilang igsoon, nga maoy rason nga nalisoan sa pangisip ang ilang magulang nga babaye.
Hinoon gibutyag ni Aljun nga wala sila nakadawat ug hulga gikan sa ilang amahan apan dili matud pa sila magkumpiyansa tungod kay kung nabuhat sa ilang amahan ang pagpatay sa iyang anak, walay rason nga dili kini mabuhat ngadto kanila.
Mihangyu usab kini sa kapulisan sa lungsod sa Jabonga, nga dili na padugayon ang pagresolba sa maong kremin.
