BUTUAN CITY – Nagka-engkuwentro na usab ang militar ug rebelding grupo kagahapon sa hapon sa Barangay Hinimbangan, lungsod sa Kitcharao, Agusan Del Norte nga miresulta sa kamatayon sa usa ka amasona.
Sigon ni 2Lt. Ashley Del Rosario sa 29IB PA, nagpahigayon ug security patrol ang tropa sa gobyerno alayon usab sa pagpangatake sa walhong grupo, sa dihang naka-agbat ang armadong grupo nga miyembro sa Guerilla Front Committee 16-A sa NPA.
Ang maong engkuwentro miresulta sa kamatayon sa usa ka amasona nga padayon pang giila karun ug narekober usab dala niining AK47, mga magasine ug mga buhing bala niini.
Samtang walay natala usab nga casualty sa han-ay sa kasundaluhan.
Dili ti-aw ang gibati nga kahadlok sa mga residente diin ang uban, mihikling pa.
Gipahayag usab sa opisyal nga nagpatuman ug Bayanihan team activities ang militar sa maong dapit aron matabangan ang kumunidad apan padayon usab kining gibulabog sa walhong grupo.
Apan gipaneguro niini nga padayon nilang protektahan ang katawhan dungan sa pagbutyag nga kanunay’ng silang andam sa pagtabang sa mga rebeldeng nasamdan sa engkuwentro.
