BUTUAN CITY – Nasuta sa kapulisan sa siyudad sa Naga, lalawigan sa Cebu nga lumad diay sa Brgy. Bay-ang, Cabadbaran City, lalawigan sa Agusan del Norte ang amahan nga ningpatay sa iyang kapuyo ug duha ka mga anak kagahapon sa alas-9:30 sa buntag didto sa Purok Kamanggahan, Barangay Lutac, pinaagi sa paggulgol sa ilang li-og human gipanigbas.
Kini human nasikop sa kapulisan atol sa kapin usa ka oras nga ginukdanay dihang misibat ang 32-anyos nga si Carlo Camporedondo, padulong sa bukirang bahin hangtud nga naka-abot kini sa quarry site sa Brgy. Cogon diin siya gipusil sa migukod nga mga pulis diha sa walang bahin sa iyang tiil ug sa iyang tiyan.
Nasayrang nanawagan pa og mga blood donors ang ospital nga gidad-an sa suspetsado dihang nangluspad na kini tungod sa kadaghan sa dugo nga mi-awas gikan sa iyang samad-pinusilan.
Sigon sa igsoon sa kapuyo sa biktima nga si Jessa Rico, daw mabuang sila dihang nakita ang nadangatan sa iyang igsoon ug sa iyang 2-anyos ingon man 11-anyos nga mga pag-umangkon ug gitu-uhan niining ang pagkagumon sa ilegal nga druga ang nagtukmod sa suspetsado paghimo sa kremin tungod kay na-rehab na matud pa kini kaniadto.
