BUTUAN CITY- Daog ang Pinay tennis star nga si Alex Eala ingon man sa French partner niini nga si Estelle Cascino sa doubles tournament sa W75 Croissy-Beaubourg tournament nga gihimo sa France.
Nasakmit sa duha ang titulo human gipaluhoid ang top-seeded nga paresan sa France nga sila si Jessika Ponchet ug Maia Lumsden sa United Kingdom, sa iskor nga 7-5, 7-6(4) alang sa finals kagahapon, Marso 30.
Una nang gipalukapa sa Pinay nga si Eala sila Kira Pavlova ug Marie Weckerle sa semis sa Luxembourg pinaagi sa iskor nga 6-3, 6-3, ingon man ang British partner nga sila si Emily Appleton ug Isabelle Haverlag sa Netherlands alang sa iskor nga 6-4, 6-0, sa quarters.
Sa unang hugna sa dula, gipildi nila Eala ug Cascino ang pares nila ni Celine Naef sa Switzerland ug Prarthana Thombare sa India. Kini na ang ikaduhang doubles title ni Eala human nakadaog sa W50 tournament sa India sayo ning tuiga lamang.
