BUTUN CITY- Sulod na sa semifinals sa Berlin Tennis Open si Pinay Tennis Star Sensation Alex Eala human gipildi ang World No. 8 nga si Elina Svitolina sa straight sets nga 6-3, 6-4. Kini nahitabo usa ka adlaw human usab niyang mapilde ang World No. 2 nga si Elena Rybakina, kansa nagpasabot nga nakabuntog na usab kini og duha ka top-10 players sa usa ka torneyo.
Gipakita ni Eala ang lig-on nga depensa ug agresibong dula aron makontrol ang duwa batok kang Svitolina. Sumala ni Eala, ang kanunay nga pag-atubang sa mga elite nga magdudula makatabang sa iyang pag-uswag isip atleta. Sunod nga maka-atbang sa 21-anyos nga Filipina si rank 35 Linda Noskova alang sa semifinals, human usab napilde niini ang Spaniard nga si Paula Badosa sa quarterfinals.
