BUTUAN CITY – Mihimo na usab og kasaysayan si Filipina tennis star Alex Eala human niya gipildi si 4-time Grand Slam champion Naomi Osaka sa semifinal round sa Mubadala DC Open ning sayo sa buntag sa Dominggo .
Pinaagi sa iyang lig-on ug kombinsidong performance, gidomina ni Eala ang duwa sa straight sets, 6-4, 6-2, rason nga nakuha ang unang ticket paingon sa championship match sa maong WTA 500 tournament.
Gipakita ni Eala ang iyang kalmado nga pagdula ug kusog nga baseline game batok sa mas eksperyensiyadong si Osaka kondiin sugod sa unang set, napugos niya ang Japanese star sa daghang sayop pinaagi sa tukmang returns ug agresibong groundstrokes.
Sa ikaduhang set, mas mipatigbabaw pa ang Pinay aron hingpit nga mapasurender ang usa sa labing inila nga mga ngalan sa women’s tennis.
Ang kada-ugan usa na usab ka dakong milestone sa karera ni Eala, kinsa sa unang higayong nakaabot sa WTA 500 singles final samtang nagpadayon sa iyang impresibong kampanya batok sa mga top-ranked players sa maong torneo.
Sa final, atubangon ni Eala ang top seed nga si Jessica Pegula, nga nakalusot usab sa laing semifinal round batuk kang Diana Shnaider.
Padayon nga naghatag og garbo sa Pilipinas si Alex Eala samtang nagpadayon ang iyang pagsaka sa internasyonal nga entablado sa lawn tennis.
