BUTUAN CITY – Mihimo og kasaysayan ang Filipina tennis star nga si Alex Eala human makasulod sa ikatulong round sa Wimbledon sa pinaka-unang higayon.
Gipildi ni Eala ang Australian nga si Maya Joint sa second round sa iskor nga 3-6, 6-2, 6-0. Human mapildi sa unang set, mibalos si Eala ug hingpit nga mipatigbabaw sa misunod nga duha ka set aron makuha ang kadaugan.
Tungod niini si Eala karun ang pinaka-unang Pilipino sa Open Era nga miabot sa ikatulong round sa Grand Slam tennis tournament.
Sigon ni Eala, kinahanglan niyang ihatag ang tanang iyang makaya human ang lisud nga unang set.
Sumala pa niini nahimong inspirasyon usab kanya ang nakalabay nga kapildihan niadtong 2025 Eastbourne Open aron mas tarungon niya ang iyang dula.
Sa sunod nga dula, atubangon ni Eala ang defending champion ug world-class tennis player nga si Iga Swiatek sa ikatulong round sa Wimbledon sa Sabado.
Gawas sa singles competition, moapil usab si Eala sa doubles event kauban ang Czech partner nga si Nikola Bartunkova.
