BUTUAN CITY-Dominado ni Czech Republic tennis star Karolína Muchová ang away batok kang Filipino Tennis Ace Alex Eala sa Round of 16 sa Miami Open 2026, human makadaog sa straight sets nga 6-0, 6-2 kaganiha sa may 12:08 sa kadlawon oras sa Pilipinas, Martes, Marso 24.
Gibuksan ni Muchová ang dula sa agresibong serve ug all-court versatility nga nakapugos kang Eala nga mosalig sa depensa. Sa unang set, wala nakakuha si Eala ug game samtang gipakita ni Muchová ang iyang porma isip bag-ong WTA 1000 champion.
Sa ikaduhang set, nakasulod si Eala ug duha ka games apan kontrolado gihapon sa Czech star ang ritmo hangtod sa katapusan. Naka-abot si Eala sa Round of 16 human mapildi si Magda Linette sa Poland, usa ka milestone kansa nagpakita sa iyang padayon nga pag-uswag sa WTA rankings.
Bisan napildi, dako gihapon ang iyang exposure ug puntos nga makadugang sa iyang career. Samtang si Muchová, nga World No. 14 mosulod na sa quarterfinals ug nagpabilin nga usa sa mga paborito sa torneo.
