BUTUAN CITY – Sugdan ni Pinay tennis star Alex Eala ang 2026 Indian Wells tournament sa pamilyar nga kalaban.
Tungod kay maka-agbat niini si Dayana Yastremska sa Ukraine para sa round of 64 sa California nga magsugod sa buntag sa Sabado, oras sa Pilipinas.
Nakasulod si Yastremska sa second round human gipildi si Zhang Shuai.
Sulod gelayon ang 20-anyos nga si Eala sa second round human nga makadawat og first-round bye sa WTA 1000 tournament.
Niadtong nakalabay nga tuig gipildi ni Eala ang Ukrainian tennis star sa Eastbourne Open quarterfinals.
Duna nay mga titulo ang Ukrainian tennis star diin nagkampeon kini sa Hong Kong niadtong 2018 ug human ang usa ka tuig managsunod nga nagkampeon usab sa Hua Hin ug Strasbourg. Samtang target ni Eala nga mahimong kampeon pagusab human nga masakmit ang Guadalajara title niadtong 2025.
