BUTUAN CITY – Nanghunaw ang Department of Education kon DepEd-Caraga sana-obserbahang bias matud pa nga scoring system sa dulang taekwondo, subay sa nagpadayong 21st Caraga Regional Athletic Meet kon CRAM 2018.
Sa eksklusibong pakighinabi ning sibyahan, gibutyag ni Bernard ‘Boyet’ Abellana – regional sports coordinator sa maong ahensya, wala’y kalabutan ang mga scoring officials niini tungod kay ang in-charge matud pa sa scoring system niini nga dula mao ang electronic scoring machine.
Gipasabot sa opisyal nga ang matag-magdudula. Duna’y censor sa ilang mga tiil og kamot nga maoy i-detect sa makina alang sa paghatag kanila og score depende sa ilang performance ilabina kung maka-igo kini sa ka-atbang.
Gidugang pa ni Abellana nga nag-abang pa sila og makina sa kauluhang Manila balor 50-mil pesos aron lang maseguro ang paghatag og score sa mga atleta base sa ilang mga matala nga igo.
Susama matud pa kini sa dulang fencing nga kung maka-igo na ang espada og puntos, ang makina na ang maghatag niini og score. (Beth Ruiz)
