BUTUAN CITY – Sa pinaka-unang higayon, nahimong overall champion ang delegasyon sa Department of Education kon DepEd-Agusan del Sur sa pagtapos kagahapong adlawa sa Caraga Regional Athletic Games 2026 nga gipahigayon sa Surigao City.
Base sa medal tally, nanganaw-kanaw ang delegasyon sa Agusan Del Sur human nakasakmit og 112 ka gold, 89 ka silver og 76 ka bronze medals kon 277 ka medalya sa katibuk-an.
Nagsunod kanila ang Butuan City nga duna’y 197 ka mga medalya nga gilangkuban sa 74 ka gold, 63 ka silver og 60 ka bronze medals samtang ikatulo ang Agusan Del Norte nga adunay 62 ka gold, 61 ka silver og 60 ka Bbronze.
Anaa usab sa ika-upat nga puwesto ang delegado sa Surigao City nga dunay 156 ka medalya nga gilangkuban sa 41 ka Gold, 61 ka silver og 54 ka Bronze.
Nabutang usab sa ika-lima ang Surigao Del Norte nga dunay 92 ka medalya nga gilangkuban sa 31 ka Gold, 27 ka Silver og 34 ka Bronze.
Anaa usab sa ikaunom hangtud sa ika-12 nga puwesto ang Surigao Del Sur, Bayugan City, Tandag City, Bislig City, dinagat Island, Siargao Islands,og Cabadbaran City. Atol sa closing ceremony kagahapon, gipa-apil sa solidarity parade ang tag- 200 ka mga atleta sa matag-delegasyon nga gisundan gilayon sa awarding ceremony.
Wala panumbalilnga sa mga delegasyon ang pagbundak sa uwan ilabina dihang mihatag sa iyang motivational message si DepEd-Caraga Regional Director Ma Ines Asuncion.
