BUTUAN CITY – Duna nay nakahan-ay nga mga kalihukan ang probinsya sa Agusan del Norte alang sa kasa-ulugan sa National Disaster Resilience Month karong bulan sa Hulyo nga sugdan karong Hulyo 3.
Sumala ni Erma Suyo, ang Head sa Provincial Disaster Risk Reduction Management Office, ipahigayon ang synergy workshop sa alang sa United Nations Development Program kon UNDP Shield Project, diin tigumon ang tanang mga multi-stakeholder partners sa Provincial Disaster Risk Reduction Management Office kauban ang lokal nga mga panggamhanan, ingon man ang mga national government agencies, aron matuki ang gihimong asessment sa nakalabay’ng bulan.
Ipahigayon usab ang data privacy act training, lakip na usab ang tree planting, blood-letting, ingon man ang Jamboree.
Padayon gihapon ang gihimong contengency plan sa matag-lokal nga panggamhanan isip pagpangandam sa mu-abot nga katalagman.
