BUTUAN CITY – Gitakda na sa Environmental Management Bureau kon EMB-Caraga sa ikaduhang semana ning buwan sa Abril ang adjudication of cases sa 96 ka mga establisamiento sa Siargao Island nga kabahin lang sa 148 ka mga gibansagang ‘universe’ establishments.
Gipasabot ni EMB-Caraga Director Trajebo nga ang ‘universe’ establishments mao karong mga tourism-related establishments sa maong isla.
Ang 98 matud pa ka mga establisamiento mao kadtong wala misunod sa mga environmental laws kansa naisyuhan na usab nila og notice of violation kon NOV.
Ang pag-isyu sa maong mga notisya gihimo human ang usa ka buwan nga makuting pagsusi pinaagi sa gipakatag nilang duha ka grupo sa ilang mga personahe.
Apil matud pa sa nalapas sa maong mga establisamiento ang nagkadaghan nila nga mga basura, ang paggamit sa mga resort owners og septic tanks inay nga water treatment facilities.
Gipasabot pa sa opisyal nga dili lang solong trabaho sa ilang ahensya ang pag-monitor sa limpyong operasyon sa mga resort owners apan lakip na sa ubang mga ahensya sa kagamhanan. (Beth Ruiz)
