-- ADVERTISEMENT --

BUTUAN CITY – Gikumpirma sa Poland nga usa sa tulo ka mga butang nga misulod sa ilang airspace ang Kh-101 cruise missile sa Russia, nga nahagsa sa usa ka rural area sa Nowy Lipowiec, mga 50 kilometros gikan sa utlanan sa Ukraine.

Sigon ni Polish Prime Minister Donald Tusk, dili aksidente ang maong hitabo ilabina kay adunay gihimong military exercises ang mga nasod sa Kasadpan sa maong rehiyon rason nga ila kining gihulagway nga paglapas sa ilang airspace isip usa ka pagpanghagit o provocation gikan sa Moscow.

Sigon ni Defence Minister Wladyslaw Kosiniak-Kamysz, dugang sa cruise missile, adunay laing gidudahang missile nga nahagsa duol sa Rudnik nad Sanem, samtang usa ka jet-powered drone ang nahagsa duol sa Mołodycz.

Wala’y natalang nasamdan o kadaot sa kabtangan tungod sa maong insidente.