BUTUAN CITY – Gimanduan sa Impeachment Court ang ilang clerk of court nga isyuhan og show cause order si Atty Salvador Paolo Panelo – tigpamaba ni Vice President Sara Duterte human nga wala’y mibabag sa mosyon ni Senator-Judge Erwin Tulfo.
May kalabutan kini sa gipalagan ni Senador Tulfo nga komento ni Atty Panelo kagahapong adlawa nga nagkwestyon sa kridibilidad sa mga senator-judges kinsa nag-discredit sa saksi sa defense team.
Saysay pa ni Tulfo, dili matud pa parte sa kaso si Atty Panelo rason nga wala kini katungod nga dili respetuhon ang impeachment court.
Dinhi na gipasabot ni presiding officer Chiz Escudero nga dili cover sa Rule 18 si Atty Panelo tungod kay dili man kini lawyer of record o kaha witness sa impeachment court.
Hinuon masulod siya sa Rule 71 sa Rules of Court.
Dinhi na mihirit ang senador nga ipa-subpoena si Panelo aron muhatag sa iyang pagpasabot kalabot sa mga komento niini ngadto kanila ug sa korte mismo.
Tungod niini, dinhi na gipadayag ni Escudero nga mahimo nilang gamiton ang suppletory application sa Rule 71 sa Rules of Court isip pangtapal sa kakulang sa usa ka partikular nga lagda o proseso, ilabina nga wala’y pagsupak sa maong lagda, rason nga gipa-isyuhan niini og show cause order si Panelo.












