BUTUAN CITY – Bagsak ang performance ni Atty. Rainer de la Fuente, ang witness nga gi-presenta sa depensa ni Vice President Sara Duterte atol sa ika-44 ka adlaw sa impeachment trial. Kini bisan paman nga gustong makahatag og explanation ang witness sa daghang mga butang nga naglimin sa unexplained wealth sa besi presidente.
Gigamit ni Kabataan Partylist Representative Renee Co ang basehan sa iyang reaksiyon ang pagpangutana aron masulayan ang kredibilidad sa witness diin dili kini katubag og tarung. Sumala pa ni Congresswoman Co nga hangtud karun wala pay witness ang depensa nga makaguba sa unod sa alegasyon sa artikulo mahitungod sa dili mapasabot nga bahandi.
Gi-uyunan usab niini ang hugot nga pagsupak ni House Prosecutor Chel Diokno nga dawaton isip expert witness si Atty. Rainer de la Fuente.
Pasabot pa ni Co nga dili ang iyang testimonya o dokumento ang makatudlo nga siya experto kundi ang iyang kahibalo tungod kay wala matud pay pruweba nga kini expert.
Gani halos usa ka adlaw ang iyang paglingkod sa witness stand apan wala matud pay natampo sa isyung guilty ba o dili si Vice President Duterte.












