-- ADVERTISEMENT --

BUTUAN CITY- Gipahibalo sa Department of Tourism (DOT) nga ang P-pop group nga SB19 maoy mopasundayag sa opisyal nga theme song nga “Together in Motion” alang sa ika-49th Association of Southeast Asian Nation kon ASEAN Summit, samtang hapit nang mahuman ang Pilipinas sa pag-host sa maong panagtigom sa mga lider sa rehiyon sa Southeast Asia.

Gikatakdang iperform ang maong pasundayag karong adlawa Martes, Nobyembre 17, pinaagi sa livestream sa opisyal nga Facebook page sa ASEAN 2026 Philippines sugod alas singko sa hapon.

Kahinumduman, kaniadtong Agosto, gipili sa DOT ang SB19 ug ang kapwa P-pop group nga BINI isip tourism ambassadors sa nasud isip kabahin sa kampanya sa pagpaila sa kulturang Pilipino, talento ug pagkamamugnaon ngadto sa internasyonal nga komunidad.

Gilauman nga ang pag-apil sa SB19 sa maong kalihokan makatampo sa pagpasiugda sa identidad sa Pilipinas ug pagpalig-on sa presensya sa mga lokal nga artista sa internasyonal nga entablado