BUTUAN CITY – Gidayeg ni United States Defense Secretary Pete Hegseth ang sundalong si Specialist Iglesias sa 3rd Infantry Regiment ng US Army, nga mibadlong kaniya ug sa iyang mga kauban tungod sa pag-istoryahay ug pagkinatawa duol sa Tomb of the Unknown Soldier sa Arlington National Cemetery atol sa pagsaulog sa Veterans’ Day.
Gihatagan ni Hegseth si Iglesias og Joint Service Commendation Medal atol sa seremonyas sa Pentagon kaganina isip pag-ila sa iyang propesyonalismo ug hugot nga pagpatuman sa mga lagda sa maong balaang dapit.
Madumdumang gibandlong sila sa sundalo human niini nadunggan nga nagkatawa ug nag-istoryahay ang grupo ni Hegseth human sa ilang pagpakuha og litrato duol sa monumento.
Tungod niini, mihunong si Iglesias sa iyang pagpatrolya aron pahinumdoman sila nga magpabiling hilom ug magpakita og pagtahod sa maong lugar.
Bisan pa nga gisaway sa pipila ka netizens ug mga magbabalaod ang insidente, gidayeg hinuon ni Hegseth ang sundalo tungod sa iyang pagkamatinud-anon sa pagtuman sa katungdanan.
Ang Tomb of the Unknown Soldier gibantayan 24 oras kada adlaw sa mga sundalo sa The Old Guard sukad pa niadtong 1948, isip pagpasidungog sa mga sundalong Amerikano nga namatay sa gubat apan wala mailhi ang ilang mga pagkatawo.
Kabahin sa ilang katungdanan ang pagsaway sa bisan kinsa nga molapas sa mga lagda sa kahilom ug pagtahod sulod sa maong lugar.
