BUTUAN CITY – Mi-abot sa kinatibuk-ang ₱453,696.00 nga balor sa suspected shabu ang nakumpiska sa mga sakop sa Regional Drug Enforcement Unit gikan sa duha sa tulo ka mga drug personalities atol sa gilusad nga drug buy-bust operation pasado alas-12:48 kagahapon sa kaadlawon sa Purok 3, Ambangan, Brgy Ambago ning siyudad sa Butuan.
Nakuha gikan kang alyas Master, ulitawo, 47-anyos, residente sa maong dapit, ang usa ka sachet sa gidudahang shabu nga maoy buy bust item, laing 31 ka mga sachets sa susamang mga epektos, ₱1,000.00 nga marked money, mga drug paraphernalia ug uban pang mga non-drug items.
Samtang nakuha usab gikan sa laing suspek nga si alyas Vinvin, 54-anyos, minyo ug residente sa Purok 2, Suatan sa susamang barangay, ang upat ka sachets sa susamang epektos kansa sa kinatibuk-an, misuma-total ngadto sa 66.72-gramos.
Gikostudiya na sa Regional Police Drug Enforcement Unit-13 ang mga suspetsado ug ng nakumpiskang mga butang alang sca tukmang disposasyon ug dokumentasyon.
