BUTUAN CITY – Midaug sa ikaduhang hugna sa eleksyon sa Brazil si incumbent President Luiz Inácio Lula da Silva human niya gipildi si Senador Flávio Bolsonaro – anak ni kanhi Brazilian President Jair Bolsonaro.
Nakakuha si Lula og 51.75 porsyento sa kinatibuk-ang boto, samtang 48.25 porsyento naman ang nakuha ni Flávio Bolsonaro.
Mas nahimong makasaysayan ang kadaugan ni Lula tungod kay napildi siya sa first round sa eleksyon, diin nanguna si Flávio Bolsonaro apan nakahimo og comeback sa second round ug napildi ang anak sa kanhi presidente.
Pinaagi sa maong kadaugan, makapadayon si Lula sa pagkapangulo sa Brazil alang sa iyang ika-upat nga termino.
Mobalik usab siya sa Palácio do Planalto human sa iyang unang duha ka termino isip presidente gikan 2003 hangtod 2010, ug sa iyang pagbalik sa puwesto niadtong 2023.
Atubangon ni Lula sa iyang bag-ong termino ang mga hagit sa ekonomiya, lakip ang national debt, public spending, interest rates ug economic growth, samtang gilauman usab nga mag-atubang siya og mas konserbatibong mga pwersa sa Kongreso.
Si Lula nailhan nga lider sa Workers’ Party kon Partido dos Trabalhadores ug dugay nang mahanungdanong personalidad sa politika sa Brazil.
