BUTUAN CITY – Gitas-an sa Bangko Sentral ng Pilipinas kon BSP ang key policy interest rate niini og 50 basis points ngadto sa 5.5 porsyento, isip lakang batok sa nagpadayong pagsaka sa inflation sa nasud.
Ang desisyon sa Monetary Board kagahapon, mao ang ika-upat nga sunod-sunod nga pagtaas sa interest rate ug mas dako kaysa sa gilauman sa mga ekonomista nga 25 basis points lamang.
Gi-adjust usab sa BSP ngadto sa 5- porsyento ang overnight deposit rate ug 6 porsyento ang overnight lending rate.
Sigon ni BSP Governor Eli Remolona Jr,, gilauman nga magpadayon ang taas nga inflation sa umaabot nga mga bulan tungod sa pagsaka sa presyo sa lana, pagtaas sa pamasahe ug posibleng epekto sa El Niño sa produksyon sa agrikultura ug presyo sa pagkaon.
Madumdumang niadtong Septiyembre, misaka ngadto sa 7.2 porsyento ang inflation sa Pilipinas, rason nga mipili ang BSP og mas hugot nga monetary policy aron mapugngan ang dugang nga pagsaka sa presyo ug ma-angkla pag-usab ang inflation expectations.
