BUTUAN CITY – Ipadayon karong adlawa sa Surigao City, lalawigan sa Surigao del Norte ug sa lalawigan sa Dinagat Islands ang ikaduhang adlaw sa upat ka adlaw nga Exercise Surigao Sentinel 2026 human ang opening ceremony nga gihimo kagahapon sa alas-dies sa buntag sa Dinagat Islands.
Apil sa gihimo kagahapon ang Civil Defense Operations sama sa pagpa-alarm sa sirena, pag-activate sa Incident Command System, Incident Management Team, Emergency Operations Center ug checkpoint operations.
Gisundan kini sa Mobile Phase kon MoBex phase 2 partikular ang integration ngadto sa regular forces ug ang tabletop exercises.
Kaganinang alas-kwatro sa kaadlawon, gihimo ang illumination firing sa Dinagat Islands nga gisundan sa Mobilization Phase sa Surigao City samtang gihimo na usab ning mga orasa hangtud unyang alas-singko sa hapon ang medical and dental mission ug ang maritime domain awareness sa Dinagat Islands.
Unyang alas-nueve sa buntag mao ang opening ceremony nga sundan sa civil defense operations ug capability demonstration sa Surigao City. Ubay-ubay pa nga mga kalihukan ang himuon hangtud unyang alas-11:55 sa sayong udto.
Sigon ni Col Rosa Maria Cristina Rosete-Manuel, tigpamaba sa Eastern Mindanao Command kon EastMinCom ug designated head usab sa Evaluation Team sa maong exercises, dako ang pagpasalamat sa ilang command ngadto sa Dinagat Islands ug Surigao City tungod sa ilang commitment nga palig-unon ang emergency preparedness, disaster response, community resilience, ug ang pagsukod sa kapasidad sa ilang mga reservists.
Dugang pa ni Col Manuel samtang nag-transition ang EastMinCom ngadto sa ilang territorial defense operation posture, gipalig-on gihapon nila ang ilng kapabilidad sa pagtubag sa nagtunhay nga external challenges samtang gipadayon ang pag-abante nga ilang nakab-ot sa internal security operation.
Giklaro pa sa opisyal nga ang ilang tgransisyon wala magpasabot nga ilang gi-abandona ang ilang gihaguan ug gipaningkamutang kalinaw ug kalig-on alang sa Eastern Mindanao.
