BUTUAN CITY – Minos na karon ang midagsa nga mga langaw sa Purok 5, Brgy Los Angeles ning siyudad sa Butuan tungod sa natapos na nga clearing operation sa Sentro poultry farm sukwahi sa pagsugod pa lang sa pag-harvest sa ilang mga binuhing manok.
Sa eksklusibong pakighinabi sa Bombo Radyo Butuan, gipadayag sa reklamanteng residente nga si Allan Peregrino nga gi-clearing na sa taga-farm ang sulod ug gawas sa ilang manukan tungod kay butangan na usab kini og mga piso.
Aminado kining nang-spray na og kemikal nga pangpatay sa langaw ang taga-farm kondiin wala na niya gipa-apil ang ilang sulod sa balay sa rasong mas mudaghan matud pa ang mga langaw pila ka gutlo human ang pagpang-spray.
Gidugang pa ni Peregrino nga gipahibalo siya sa iyang igsoon nga kasuhan matud pa siya sa mga barangay officials tungod sa iyang pag-expose sa fly infestation nga wala niya gikabalaka sa rasong lehitimo matud pa ang iyang reklamo.
