BUTUAN CITY- Desidido ang aktres nga si Claudine Barretto nga pasakahan og kasong cyberlibel batok kang Cristy Fermin ug co-host niini nga si Rommel Villamor o mas na-ila nga si Rommel Chika.
Sumala sa aktres ni-adto na kini sa National Bureau of Investigation (NBI) niadtong Martes, Oktubre 20 aron ipasaka ang kaso.
Gipalagan usab sa aktress ang komento ni Fermin nga aduna matud pa kini bipolar ug gi-bully matud pa niini ang iyang ig-suon nga si Gretchen ug nagparetoke usab matud pa ang aktres mao nga naospital.
Minghangyo na ang aktres nga ihunong na ni Fermi ang maong mga kompento apan wala gihapon kini minghunong.
Nagpagawas usab ang abogado sa aktres nga si Atty. Lance Abraham Mateo og Cease and Desist alang kang Cristy ug Rommel.
Tumong niini aron ihunong na ni Fermin ug Rommel ang gihimo niining pang-harras sa aktres.
