BUTUAN CITY- Masinati na ugmang adlawa ang hapit P5 nga pagkunhod sa presyo gasolina, diin base sa anunsyo sa Department of Energy kon DOE, adunay paghunod og P4.30 matag litro ang gasolina ug Piso sa kerosene matag litro, samtang mosaka og hangtod P2.60 matag litro usab ang diesel.
Ang pag-ubos sa presyo sa gasolina nalambigit sa pag-uswag sa suplay sa mga merkado sa Asya, lakip ang pagpadayon sa China sa pag-eksport sa mga produktong petrolyo, samtang nagpabiling limitado ang suplay sa diesel ug misaka ang gasto sa transportasyon.
Sigon sa DOE, nakaapekto gihapon sa presyo sa lana ang tensiyon sa Middle East ug ang mga pag-atake sa mga barko ug imprastraktura sa enerhiya.
Tungod nagsalig ang Pilipinas sa giangkat nga produktong petrolyo, dali usab maapektuhan ang lokal nga presyo sa pag-usab sa presyo sa lana sa kalibotan, bili sa piso, ug mga problema sa internasyonal nga suplay.
Samtang, nagpabiling gisuspenso ang excise tax sa liquefied petroleum gas (LPG) ug kerosene ubos sa Executive Order No. 125, apan wala kini maglakip sa gasolina ug diesel.
