BUTUAN CITY- Masinati na ugmang adlawa, Martes Oktobre 13, 2026 ang nagkanda-iyang lihok sa presyo sa produktong petrolyo diin sumala sa Department of Energy kon DOE, mokunhod og P3.01 matag litro ang presyo sa diesel, samtang mosaka og P1.56 ang gasolina matag litro ug ingon ang kerosene mosaka og P1.77 matag litro.
Sumala sa anhensya, ang pagkunhod sa presyo sa diesel nalambigit sa kasabotan sa mga nasod sa Group of Seven kon G7 nga magpagawas og 100 milion baril nga lana gikan sa ilang emergency reserves, lakip ang daghang suplay sa diesel, aron mapalig-on ang merkado sa enerhiya ug mapagaan ang pagsaka sa presyo sa petrolyo sa tibuok kalibotan.
Gipahibalo usab sa DOE, nga ang suplay sa gasolina sa Pilipinas igo alang sa 53 ka adlaw, samtang ang diesel igo alang sa 56 ka adlaw ug ang kinatibuk-ang reserba sa lana igo alang sa mga 51 ka adlaw nga konsumo.
Samtang, magpadayon ang P12 kada litro nga subsidiya sa gasolina alang sa mga drayber sa public utility vehicles kon PUV, tungod wala pay direktiba nga hunongon ang maong programa.
