BUTUAN CITY- Usa ka kusog nga linog nga adunay Magnitude 7.7 ang mingtay-og sa nasud sa Panama kagahapon sa sayong kabuntagon Sabado, Oktubre 10, 2026, sumala sa taho sa United States Geological Survey (USGS).
Natala ang epicenter sa linog sa probinsya sa Herrera duol sa Pitaloza Arriba sa habagatang bahin sa nasod, kung asa mingresukta kini sa halapad nga kadaot sa mga kabalayan, kalsada, ug nag-unang imprastraktura.
Pipila sa nahugno ug nadaot nga pasilidad ang usa ka hotel, Karaan nga simbahan, ug usa ka government building sa Penonomé, gawas pa sa nasinating kawala sa suplay sa kuryente sa unom ka probinsya.
Temporaryong gisuspendi usab ang mga biyahe ug operasyon sa Tocumen International Airport isip parte sa safety protocol, samtang nagpabiling luwas usab ug normal ang biyahe sa Panama Canal kansa nag-unang agi-anan sa pangkalibotanong pamatigayon..
Sumala sa unang taho sa mga awtoridad, walay natalang namatay sa insidete apan adunay 15 ka magtutungha ang gikatahong naka-angkon og minor injuries samtang padayon ang assessment sa kinatibuk-ang kadaot sa mga komunidad.
