BUTUAN CITY- Mobalik na usab sa nasud ang Filipino-British singer-songwriter nga si Beatrice Laus o mas naila sa stage name niini nga “beabadoobee” alang sa Manila leg nga ‘The Powerlines Tour’ sa umalabot nga Abril 13, 2027.
Gikatakdang mag-perform ang singer sa SM Mall of Asia Arena sa Pasay City, sumala sa anunsyo sa local event organizer sa nasangpit nga concert. Magsugod ang presale sa concert tickets niini sa Oktubre 12 ug ang general sale sa Oktubre 15.
Ang tour niini subay sa debut sa ika-upat nga album niini nga “Pylon” nga gi-release niadtong miaging buwan sa Setyembre.
Ang nagkaduol niini nga concert sa 2027 mahimong ika-tulo nga higayon nga maka-perform alang sa Filipino fans kung asa kataposan kining mingbisita sa nasud niadtong 2022 ug 2025.
