BUTUAN CITY – Gipatuman na sa Department of Trade and Industry ang price freeze sa probinsiya sa Agusan del Sur subay sa Republic Act No. 7581, human gipa-ilalom sa state of calamity ubos sa Resolution No. 585-26, s. 2026, nga gi-isyu niadtong September 24, gumikan sa epekto sa huwaw.
Tungod niini, ang tanang basic necessities sama sa pan, sardinas o uban pang marine products, bottled water, processed milk, instant noodles, kape, asin, sabon panglaba, detergents ug kandila, magpabilin sa kasamtangan nga presyo.
Ang si bisan kinsang negosyante nga di mosunod pahamtangan sa multa o pagkapriso.
Sigon sa Provincial Disaster Risk Reduction and Management Council kon PDRRMC, 36.4-porsiento sa kinatibuk-ang produkto sa agrikultura ang na-apektuhan ug duna na usab kini epekto sa kuryentt, suplay sa tubig, transportasyon ug communication systems.
Subay sa gihimong ebalwasyon, anaa sa 31.4% na ang pagkunhod sa tubig sa mga watersheds hinungdan sa pagkulang sa suplay.
Ang kondisyon nakahatag distroso sa panginabuhian sa agrikultura, pamatigayon ug sektor sa industriya.
