BUTUAN CITY – Pasok na sa ikaduhang round sa women’s tennis doubles sila Pinay tennis star Alex Eala ug Shaira Rivera sa nagpadayon nga 20th Asian Games didto sa Aichi-Nagoya, Japan.
Kini human nila gipildi ang mga pambato sa Hong Kong nga sila Lai Ching Laam ug Liu Kallista, sa iskor nga 6-1, 6-3. Sa unang set, gidomina nila Eala ang duwa samtang sa pagsulod sa ikaduhang set, misulay ang mga pambato sa Hong Kong nga makapaduol sa iskor, apan nagpabiling labaw ang mga Pinay ug ilang naselyohan ang kadaugan.
Ikaduhang sunod-sunod na usab kini nga kadaugan sa women’s doubles sa Pilipinas, human modaog sila Tenny Madis ug Stefi Aludo batok nila Anjali Junarto ug Meydiana Reinnamah sa iskor nga 6-3, 7-6(4) niadtong Lunes.
Sa sunod nilang duwa, maka-agbat nila Eala ug Rivera ang mga pambato sa China nga sila Xinyu Jiang ug Zhaoxuan Yang.
