BUTUAN CITY– Patay ang labing menos unom ka tawo ug daghan pa ang angol sa nahitabong road coalition kaganiha sa may Barangay Poblacion, lungsod sa Dumalinao, Zamboanga del Sur.
Base sa inisyal nga report sa mga otoridad, nalambigit sa aksidente ang usa ka van ug motorsiklo, diin ang van gikatahong gikan pa sa Zamboanga Sibugay sa wala pa kini maaksidente pag-abot sa Barangay Poblacion.
Nakita usab sa dapit ang mga lawas sa mga biktima nga naghigda sa kalsada ug gitabonan og mga karton o plastik samtang nagpadayon ang clearing operations ug pagtabang sa mga emergency responders sa mga naapektuhan.
Sa kasamtangan wala pa usab mipagawas ang lokal nga otoridad sa mga identidad sa mga namatay ingon man ang mga na-angol samtang gihulat ang pagpahibalo sa ilang mga pamilya, ug wala pa usab mapagawas og opisyal nga report kalabot sa maong aksidente.
