BUTUAN CITY – Nakaplagang wala nay kinabuhi ug gilubong na ang usa ka inahan kinsa unang gikatahong missing sa Purok Awa, Prosperidad, Agusan del Sur.
Gi-ila ang biktima nga si Lilia Urbiztondo, hingkod ang panuigon ug residente sa maong lugar.
Sumala pa, kalit lang nga nawala ang biktima hinungdan nga nangayo gilayon og tabang ang pamilya niini ug nagpagawas og pahibalo aron mahibal-an ang iyang kahimtang ug kung kinsay nakakita kaniya.
Apan paglabay sa mga adlaw, nakaplagan na lamang ang iyang patay’ng lawas nga gilubong sa wala pa mailhing suspek.
Padayon usab karon ang imbestigasyon sa mga otoridad aron mahibal-an kung giunsa pagpatay sa biktima, kinsa ang responsable ug unsa ang posibleng motibo sa krimen, samtang nanawagan ang pamilya alang sa hustisya ug pagkasikop sa suspek nga responsable sa kamatayon niini.
