BUTUAN CITY – Gipa-ilalom sa state of calamity ang pipila ka lungsod sa probinsya sa Pangasinan tungod sa wala’y hunong nga pag-ulan nga dala sa habagat, nga misangpot sa grabeng pagbaha sa pipila ka lugar.
Lakip sa gipa-ilalom sa state of calamity ang Infanta, Bugallon, Lingayen, Mangatarem, Bayambang, Sta. Barbara, Gupan City, ug Mangaldan.
Samtang nagpabilin sa red warning o heavy rainfall warning ang Pangasinan rason nga posible ang grabeng pagbaha ug pagdahili sa yuta, ilabina sa mga lugar nga dali bahaon ug mga lugar nga landslide-prone.
Padayon usab ang rescue ug response operations sa Pangasinan Provincial Disaster Risk Reduction and Management Office (PDRRMO) alang sa mga pamilyang grabeng naapektuhan sa baha.
Bisan pa sa padayong pag-ulan ug peligroso nga sitwasyon, nagpadayon ang monitoring, rescue operations, evacuation assistance, ug uban pang gikinahanglang mga lakang aron maseguro ang kaluwasan ug kaayohan sa mga residente.
