BUTUAN CITY-Misaka na sa 157 ka pasyente ang gi-admit sa San Lazaro Hospital tungod sa leptospirosis human sa nagkadaiyang pagbaha, diin 13 na ang namatay samtang gipaabot nga mosaka pa ang mga kaso hangtod sa Agosto 31, sumala sa usa ka opisyal sa ospital.
Sigon ni SLH Medical Chief David Suplico, kasagarang mogawas ang sintomas sulod sa duha hangtod 30 ka adlaw human ma-expose sa kontaminadong tubig-baha, apan kadaghanan sa mga pasyente makasinati og sintomas sulod sa duha ka semana.
Tungod sa pagsaka sa mga kaso, gipalapdan sa ospital ang manpower ug bed capacity uban sa tabang sa Department of Health, ubang mga ospital ug Philippine Red Cross, samtang nagtukod usab kini og espesyal nga leptospirosis fast lane aron mapaspasan ang pag-assess ug pagtambal sa mga na-expose sa tubig-baha.
Giawhag usab niini ang mga nakalusong sa baha nga adunay hilanat, sakit sa kaunoran o lutahan, sakit sa ulo ug kapula sa mata nga magpakonsulta dayon, tungod ang wala matambalan nga leptospirosis mahimong mosangpot sa grabeng impeksiyon nga makaapekto sa atay, kidney ug respiratory system.
