BUTUAN CITY – Gikumpirma ni Dinagat Islands province Governor Nilo Pepito Demerey Jr., nga gipa-ilalom na sa state of calamity ang ilang tibuok lalawigan ning mi-aging adlaw tungod sa grabeng krisis sa tubig nga mugna sa severe El Niño phenomenon.
Sa eksklusibong pakighinabi sa Bombo Radyo Butuan, gipadayag sa gobernador nga base sa weather forecast sa Philippine Atmospheric, Geophysical and Astronomical Services Administration kon PAGASA, mulugntad pa hangtud sa Marso sunod tuig 2027 ang grabeng ka-init sa panahon nga naka-apekto na sa 18-mil ka mga indibidwal.
Ang maong deklarasyon base na sa rekomendasyon usab sa Provincial Disaster Risk Reduction and Management Council – Technical Working Group tungod kay sa actual, gila-uman pang magpadayon impacts sa El Niño phenomenon sama sa pagkunhod na og katunga sa water supply sa ilang mga water sources rason nga maglisod na og abot sa kabalayan.
Base sa validated assessments, ang water shortage ug kawala’y access ngadto luwas nga potable water, naka-apekto na ug nagbutang na sa risgo sa dili mu-ubos 15% sa provincial population kon gibana-banang 18,080 ka mga Dinagatnons.
Partikular nga apektado niini ang seguridad sa pagkaon, panginabuhian, panglawas, edukasyon ingon man ang public safety.
