-- ADVERTISEMENT --
BUTUAN CITY– Andam na si Filipina tennis star Alexandra “Alex” Eala alang sa sunod-sunod nga kalihokan sa umaabot nga US Open, diin iyang ablihan ang kampanya pinaagi sa mixed doubles kauban si Felix Auger-Aliassime.
Sa ilang unang duwa, atubangon nila sila Elina Svitolina ug Gael Monfils sa Round 1 sa unya sa may alas 10 ang takna sa gabhi-on oras sa Pilipinas. Human niini, moapil si Eala sa “Stars of the Open” exhibition event batok kang Iva Jovic sa Agosto 28.
Samtang, ipadayag usab sa Agosto 27 ang draw alang sa women’s singles tournament, diin mahibal-an ang iyang unang kontra ug tukmang iskedyul sa iyang singles campaign.
