BUTUAN CITY – Human ang bigtime oil price hike ning mi-aging semana, musaka na usab ang presyo sa mga produktong petrolyo ugmang adlawa, Martes tungod sa nagpadayong tensyon tali sa Estados Unidos ug Iran.
Base sa trading ning mi-aging mga adlaw, ang diesel gibana-banang musaka tali sa ₱1.75 ngadto sa ₱3.00 kada-litro samtang ang gasolina ug kerosene, gila-umang musaka usab tali sa ₱1.00 hangtud ₱2.00 kada-litro.
Kini inisyal pa lang nga pagbana-bana sa Department of Energy tungod kay ang final increase, ipatuman man ugmang adlawa.
Tungod niini, ang presyo sa diesel magdula na tali sa ₱93.55 hangtud sa ₱95.55 matag-litro samtang ang gasolina, magdula tali sa ₱81.18 hangtud sa ₱83.18 kada-litro ug ang kerosene magdula na tali sa ₱118.13 hangtud sa ₱119.13 matag-litro.
