BUTUAN CITY- Nagpaabot og kahinam ang Grammy-winning singer nga si John Legend sa iyang ikaupat nga pagbisita ug pagpasundayag sa Pilipinas, kansa iyang giila isip panimalay sa pipila sa labing masibuton nga music fans sa kalibotan.
Sumala ni Legend, espesyal alang kaniya ang gugma ug suporta nga iyang nadawat gikan sa mga Filipino matag higayon nga mobisita kini sa nasod, ilabina sa iyang kanta nga “All of Me,” nga nahimong paborito sa mga karaoke ug espesyal nga okasyon sama sa kasal ug anibersaryo.
Malipayon usab kini nga nahimong kabahin sa kinabuhi sa mga Filipino ang iyang mga kanta. Sa iyang Manila concert nga “An Evening of Songs and Stories,” dili lamang musika ang iyang ipaambit kondili lakip usab ang mga istorya bahin sa iyang kinabuhi, inspirasyon ug mga kanta nga iyang gisulat, samtang gipaabot usab niini ang usa ka dakong sing-along uban sa iyang Filipino fans
